Siglir tar il cuntegn

Header

cuntegn

Regiunal 4'000 participants, passa 400 km e 1'200 voluntaris

Dimensiuns impressiunantas che spetgan questa fin d'emna a las cursas da muntogna Swissalpine, Swiss Irontrail e Swiss Trail en la regiun da Tavau.

video
Swiss Irontrail a Tavau
Or da sil punct dals 28.07.2017.
laschar ir. Durada: 2 minutas 9 Secundas.

Andrea Tuffli da Cuira è il piunier e fundatur da la cursa da muntogna. L'onn 1986 tar l'emprima ediziun era la cursa da bun 70 kilometers lunghezza anc singulara. Pir pli tard èn las cursas lura er daventadas popularas cunzunt en Frantscha – la pli enconuschenta: il uschenumnà Ultra-Trail dü Mont Blanc che maina en 168 kilometers enturn la pli auta muntogna da las Alps. Andrea Tuffli è anc oz tar la 31avla ediziun anc adina president dal comité d'organisaziun.

Swiss Irontrail e Swissalpine da nov il medem temp

Il Swiss Irontrail che maina ubain sur ina distanza da 133 ni 214 kilometers ha Andrea Tuffli inizià avant tschintg onns. Da nov ha quel lieu quest onn la medema fin d'emna sco il Swissalpine. Tenor Andea Tuffli è il motiv principal per questa midada da nizzegiar sinergias tranter las duas occurrenzas.

E per tut quels che na vulan betg currer u ir uschè lungas distanzas ha Andrea Tuffli anc creà ina terza categoria da cursas pli curtas. Quella sa numna Swiss Trail e maina p. ex. da Tavau sur la Schatzalp, la Stafelalp ed il Pass da la Striera. Las distanzas da radund 20 kilometers sajan distanzas dal di e duajan tenor Andrea Tuffli pledentar viandants.

Impressiuns dal Swissalpine Marathon 2016.
Legenda: Impressiuns dal Swissalpine Marathon 2016. RTR, David Spinnler

Impurtanta valur economica

Tenor l'iniziant da las cursas saja l'idea adina er stada da generar bleras pernottaziuns en la regiun. Quai saja grategià. En media restia in sportist trais fin trais dis e mez en la regiun da Tavau e conturn, uschia Andrea Tuffli. Ed anc pli impurtant, ils blers sportists prendian anc cun pli che ina persuna che accumpognia els. Tar ils bun 4'000 participants spetgads resulta lura in'occurrenza cun total 10'000 giasts, bun 40'000 pernottaziuns ed ina creaziun da valur da radund tschintg milliuns francs.

RR Sportissimo 17:00

Artitgels legids il pli savens