Il davos da la tabella da la secunda liga interregiunala ha dà ordaifer pari 5:5 encunter il segund Frauenfeld. Igl èn dus puncts pers e betg in punct gudagnà. En la 91avla minuta ha Nico Hofer numnadamain sajettà il 5:4 per Cuira.
Relegaziun ton sco definitiva
Mo ils Grischuns n’èn betg vegnids da conservar l’avantatg ed han anc incassà en la 96avla minuta il gol tar il pari. Numerus n’èn betg mo ils gols stai, mabain era las cartas. Duas cartas cotschnas per Frauenfeld ed ina mellen-cotschna per Cuira. 5 rundas avant la fin è la segunda relegaziun en seria da Cuira ton sco definitiva.
3 puncts impurtants per Schluein Glion
En la secunda liga regiunala ha Schluein Glion gudagnà 3 puncts en il cumbat encunter la relegaziun. Suenter 3 terradas en seria ha Schluein Glion battì a chasa Steinach cun 2:1. Era qua è la decisiun crudada pir en il temps supplementar. En la 92avla minuta ha Carlo Andrea Bearth sajettà il gol da victoria.
L'autra equipa grischuna, Domat, dat pir dumengia il suentermezdi a Montlingen.
Sportissimo 12:00