Siglir tar il cuntegn

Header

cuntegn

Regiunal 7 gieus, 7 victorias e 30 gols

L'onn passà n’èsi betg grategià a l’equipa da Domat da far il pass enavos en la segunda liga regiunala. Quest onn vesi fin ussa ora bain. Suenter set gieus salidan ils da Domat cun il maximum da puncts da l'emprim plaz.

audio
Saira: Ballape regiunal: Domat sin vuna via en 2. liga
ord Actualitad dals 11.10.2016.
laschar ir. Durada: 1 minuta 57 Secundas.

Cun 21 puncts ord set gieus ha l’emprima equipa da Domat gì in’entschatta perfetga en la stagiun 2016/2017. Surtut davanttiers han ils da Domat enfin ussa insumma nagins problems.

Betg main che 30 gols han els sajettà fin ussa. Gest 13 da quests gols ha Alessandro Giacomelli sajettà. El è vegni nov vitiers da l’equipa da Cuira. A Domat ha el sajettà fin ussa en mintga gieu almain in gol en mintga gieu da champiunadi. Duas giadas ha el schizunt fatg in hattrick, ina tripletta.

acziun offensiva da l'equipa da Domat
Legenda: Adina cura ch’igl vegn malsegir, n’è Alessandro Giacomelli (en alv cun il numer 5) betg lunsch davent. MAD

Il trenader e president da Domat, Walter Frizzoni è fin ussa natiralmain fitg cuntent cun las prestaziuns da l’equipa. Uss saja sia lavur, da mirar ch’ils giugaders restian cun ils pais giun plaun e na perdian betg la tensiun e concentraziun. El mument sappian els sulet franar sasez.

Il proxim gieu dat l’emprima equipa da Domat sonda, ils 15 d’october 2016 a chasa cunter Sargans.

RR actualitad 17:00

Artitgels legids il pli savens