Siglir tar il cuntegn

Header

Navigaziun

e-bike
Legenda: Ils e-bikes èn en il trend. Keystone
cuntegn

Regiunal 70% dals velos vendids èn e-bikes

Igl è il temp da las exposiziuns da velos. Dapertut enturn vegn preschentà ils pli novs models dal 2019. Er quest onn haja dà bain inqual novaziun, di l’expert e mecanist da velos Ignaz Arpagaus che lavura a Glion.

En il trend sajan vinavant ils e-bikes, pia ils mountainbikes cun motor. Quels daventian era adina dapli sportivs, di Ignaz Arpagaus. Dals velos che vegnan vendids il mument en la regiun sajan bun 70% e-bikes. Enavos giaja percunter la vendida da mountainbikes senza motor, oravant tut mountainbikes senza plima davostiers, pia ils uschè numnads hardtails, declera Arpagaus. La glieud giavischia oz dapli confort, e quel hajan ins oravant tut cun plima davant e davos, pia tar in fully.

Durant ch’ils e-bikes èn savens equipads cun pneus da 27 u 27+ zoll, tutgan tar ils mountainbikes senza motor pneus da 29 zoll tar il standard. Vinavant han ils velos d’ozendi adina dapli electronica, transmissiuns electronicas sco era il sez ch’ins po laschar ir si e giu a moda electronica.

RR Sportissimo 17:00