Curt avant la fin manava Malans anc cun 4:1, Langnau ha la finala pudì scursanir al 3:4 ed uschia anc ina gia procurà per gronda tensiun en quest final. Cul 5:3 en il gol vid ha Alligator lura fatg tut cler.
Malans po anc gudagnar titel da campiun svizzer
Malans ha anc la schanza da gudagnar quest onn il titel da campiun svizzer. Ils giugaders da Malans han, sco segunds da la qualificaziun, cuntanschì suveran ils quart-finals. Là cumbatta Alligator Malans lura encunter Rychenberg Winterthur. Era cuntanschì ils quart-finals ha Cuira Unihockey che dat lura quella seria da quart-final cunter Floorball Köniz.
Dunnas da Dietlikon gudognan cuppa svizra
Tar las dunnas ha Dietlikon gudagnà il titel da la cuppa svizra. Las grondas favuritas han battì sonda en il final las giugadras da Floorball Riders Dürnten-Bubikon-Rüti cun 3:2.
RR Sportissimo 12:00