Siglir tar il cuntegn

Header

audio
American Football: Calanda Broncos enavos en il mintgadi
Or da Actualitad dals 23.06.2020.
laschar ir. Durada: 3 minutas 27 Secundas.
cuntegn

American Football Calanda Broncos enavos en il mintgadi

La pandemia da corona ha er franà l’American Football en Svizra. Paucs dis avant che la nova stagiun avess gì d’entschaiver ha il Cussegl federal proclamà il lockdown. Il campiunadi svizzer è sinaquai vegnì annullà, ils trenaments èn vegnids stritgads.

Durant dus trais mais è marschà pauc tar ils Calanda Broncos che domineschan dapi passa in decenni la scena d’American Football en Svizra. Ils davos 11 onns han ils Broncos gudagnà gist 9 giadas il titel.

audio
Intervista cun Michel Derungs dals Calanda Broncos
ord Sportissimo dals 22.06.2020.
laschar ir. Durada: 6 minutas 14 Secundas.

Mez matg èn ils Calanda Broncos turnads en il trenament, quai dentant cun tegnair en diversas prescripziuns. Tranter auter n’han ils Broncos betg dastgà avair stretg contact in cun l’auter durant quels trenaments, insatge ch’è strusch da s’imaginar en quest sport. Dapi intgins dis pon ils Broncos puspè trenar sco usità.

Campiunadi d’atun

Enstagl dal campiunadi svizzer sco usità han ils clubs ensemen cun la Federaziun svizra d’American Football decidì dacurt da manar atras in campiunadi d’atun, quai en furma d’in turnier. Mez avust vai liber. Il final è previs per il cumenzament d'october. Insatge resta dentant tuttina, ils Calanda Broncos valan era a quest campiunadi sco ils gronds favurits sin il titel.

Actualitad 07:00

Artitgels legids il pli savens