Siglir tar il cuntegn

Header

Navigaziun

Arina Riatsch sin il podest dal campiunadi mundial
Legenda: Arina Riatsch sin il podest dal campiunadi mundial MAD, Arina Riatsch
cuntegn

Regiunal Arina Riatsch – dal ski alpin al ski da tura

L’emprima stagiun en l’equipa naziunala da ski da tura è stada in success.

Ils emprims success sin skis ha Arina Riatsch da Sent gia pudì festivar sco matta. Tranter auter ha ella gudagnà trais medaglias tar il campiunadi svizzer da l’organisaziun da giuventetgna (OJ). Suenter diversas feridas ha la sportista dentant stuì terminar sia carriera sco skiunza. Ella aveva stgarpà ils lioms cruschads ed è vegnida operada. En la vegliadetgna da quindesch onns era cler che ella na vul betg ristgar la sanadad per ina carriera da skis.

Via passlung al sport cun skis da tura

Suenter la carriera sco skiunza ha Arina Riatsch l’emprim fatg passlung e suenter midà tar il sport da skis da tura. Dapi quest enviern è ella part da l’equipa naziunala. Per la Svizra è ella stada al campiunadi mundial a Villars, nua ch'ella è vegnida vice-campiunessa mundiala dal sprint en la categoria sut 23 onns.

Trofea Péz Ault e final da la stagiun a Madonna

En la cuppa mundiala da skis da tura spetgan anc duas cursas. La Trofea Pèz Ault a Mustér ed alura anc il final da la stagiun a Madonna di Campiglio. Suenter l’emprim enviern en il cader da la squadra naziunala fa Arina Riatsch ina bilantscha positiva. Durant l’entir enviern ha la giuvna atleta da Sent savì viver ses siemi e procurar per buns resultats.

RR actualitad 11:00