Siglir tar il cuntegn

Header

Navigaziun

Arina Riatsch, segunda tar ils champiunadis mundials
Legenda: Arina Riatsch, segunda tar ils campiunadis mundials a Villars MAD, Arina Riatsch
cuntegn

Regiunal Arina Riatsch è vice-campiunessa mundiala

Per l’emprima giada da la partida tar campiunadis mundials. Per l’emprima giada ina medaglia.

L’elita dal sport da skis da turas sa mesira actualmain a Villars en il chantun Vad tar ils campiunadis mundials. Arina Riatsch è part da la squadra naziunala ed uschia è ella era da la partida tar questa occurrenza gronda. Il campiunadi mundial è l’inscunter dals megliers dal mund. Gia en l’emprima cursa ha ella pudì cumbatter per las medaglias. La sportista da Sent è vegnida vice-campiunessa mundiala dal sprint en la categoria sut 23 onns. Ella ha gudagnà la medaglia d’argient.

Ariana Riatsch – In talent polisportiv

Arina Riatsch da Sent è segir in talent polisportiv. Ils emprims success ha ella pudì festivar sco giuvna atleta sin ils skis. Suenter diversas feridas ha ella dentant mess ils skis d'ina vart e fatg passlung. Suenter il passlung ha la sportista chattà sia gronda passiun en il sport da far cursas cun skis da tura. Quest sport unescha gist trais chaussas en ina. Ina buna atleta è ferma en currer ed en ir cun ils skis.

RR actualitad 07:00