Armon Orlik gudogna la festa da lutga a Flem

En l’emprima lutga la bunura n'aveva Armon Orlik anc betg pudì gudagnar. Suenter ha Orlik dentant gudagnà 4 lutgas en seria ed ha uschia anc dumagnà il pass en la lutga finala.

Là èsi vegni tar il duel tranter ils dus Grischuns Armon Orlik e Sandro Schlegel. Orlik fatg curtas cun Schlegel ed ha mess quel a terra suenter sulet 2 minutas e 34 secundas. Uschia gudogna l'indigen la festa da lutga a Flem e po uschia festivar sia terza victoria chantunala da questa stagiun.

La festa da lutga grischun-glarunaisa è stada per la 7avla giada a Flem. La proxima giada vegn la festa ad esser igl onn 2023 a Flem. Quai a chaschun dal 75avel giubileum, ch’il club da lutga Flem sa lura festivar.

RR Sportissimo 17:00