Armon Orlik – return en il resgim

La lutga da la Svizra dal Nordost (NOS) a Tavau è ina buna chaschun da puspè turnar en il ravugl dals lutgaders. Uss èsi ura da puspè lutgar per puncts.

armon orlik dominescha ina lutga Bild in Lightbox öffnen.

Legenda da maletgs: Proxim termin en il resgim per Armon Orlik è a Tavau tar la la festa da lutga da la Svizra Nordorientala ch'el aveva... Keystone

Il schoc è stà grond. Tar la lutga dal chantun Argovia il principi da mai è Armon Orlik crudà sin la tatona. Durant minutas è Orlik restà en il resgim. Orlik n'era betg pli bun da sa mover. Pir suenter in mument è puspè turnà il sentiment en la bratscha ed era en las chommas, ha raquintà Orlik ad RTR. Cletg en il discletg: El n'è betg sa ferì.

Uss suenter ina pausa da las plazzas da festa da quasi sis emnas turna Armon Orlik puspè. La lutga da la Svizra dal Nordost (NOS) a Tavau duai esser l'emprim cumbat suenter l’accident il principi da matg a Brugg en il chantun Argovia.

«  Jau hai discurri bler sur da l’accident cun mes trenader mental. Nus avain emprovà dad elavurar quai che è capità. »

Armon Orlik
lutgader

En vista al punct culminant da la stagiun, la lutga dad Unspunnen la fin dad avust ad Interlaken, pudess la lutga a Tavau esser in bun pass enavos. Mo cun far la lutga sin livel da concurrenza returna la fiduzia en sasez. Ed exact quai dovra Armon Orlik per il mument.

RR novitads 17:00