Trun/Rabius ha fatg dumengia in punct en in gieu plain gols. Ordaifer cunter Triesenberg hai dà in 3:3. Cun quest punct raiva Trun/Rabius sur il stritg ed è sin plaz 10 da la terza liga.
L'US Schluein Glion ha tutgà sonda cunter Sargans. La fin èsi stà 2:0 al Crap Gries. Suenter sconfittas cunter Cuira e Mels hai pia puspè tanschì per puncts per l'equipa dal trenader Patric Casutt.
Segunda liga regiunala
Valposchiavo Calcio n'ha betg pudì sin il plaz la sonda. La raschun èn las vias ed ils binaris da tren bloccads pervia da crudada da crappa. En la segunda liga ha Domat pers ordaifer cunter Mels cun 1:2. La squadra grischuna è be in punct sur la lingia sin plaz 11.
Victoria per Cuira
En segunda liga interregiunala ha Cuira gudagnà ordaifer cunter Widnau cun 4:3. Cun quai fa la squadra da la chapitala Grischuna il sigl sin plaz 6 da la tabella.