En la segunda liga dal ballape regiunal ha Domat gudagnà mesemna saira a chasa cunter il FC Wittenbach cun 4:1. Suenter gols da Marius Spiller en la 27avla e Livio Bonderer curt avant la pausa, era il gieu gia baud decis suenter 45 minutas. Mahir Beso ha lura schizunt anc fatg il 3:0 en la 49 minuta. Suenter il 1:3 per Wittenbach ha lura Marius Spiller finì il gieu cun ses segund gol tschintg minutas avant la fin.
Cun quai gudogna il FC Domat sia segunda partida en la nova stagiun ed ha ussa ses puncts suenter tschintg gieus.