Siglir tar il cuntegn

Header

Il CB Laax turna en quarta liga.
Legenda: Il CB Laax turna en quarta liga. Suenter dus onns en 5avla è la promoziun realitad. MAD
cuntegn

Ballape regiunal I va puspè ensi cun Laax

Il CB Laax batta en l'ultim gieu dal campiunadi ils da Sedrun-Mustér, e po puspè ina giada sa preparar per l'aventura 4. liga. Dapi onns èsi in ir si e puspè turnar engiu per ils da Laax. Questa giada vulan ins vegnir per restar.

Per ils da Laax è tut stà focussà sin quest ultim gieu encunter Sedrun-Mustér. Cunquai ch'i ha en quest onn spezial da corona dà nagina runda da primavaira en il campiunadi regiunal, è quai stà il sulet gieu anc da la runda d'atun per ils da Laax. Ch'ins è emnas stà focussà be sin quest gieu, dil qual tut dependeva sch'i basta per la promoziun – han ins sentì svelt. Squitsch e gnarvusadad han laschà far sbagls. Ed ils da Sedrun-Mustér han fatg tut auter che simpel la promoziun. Si'equipa n'hagi betg dà il ballape ch'ella sappi, ha ditg il scheftrenader Daniel Caduff. Betg pudì clamar giu ses potenzial.

audio
Il CB Laax turna en 4. liga
02:56 min, Actualitad dals 27.06.2021.
laschar ir. Durada: 02:56 minutas.

Quest potenzial ch'ins vegn a duvrar la proxima stagiun, sch'ins vul tegnair pitg als clubs en 4. liga. Ina liga ch'il CB Laax è adina puspè sa fermà ils onns passads. Stedi dentant senza success. Suenter la promoziun spitgava puspè la relegaziun. Questa giada è Ivan Brunold, il manager dal club, persvadì ch'ins vegn a sa tegnair almain enamez la tabella cun potenzial enavant. L'equipa saja sa madirada ils ultims onns, haja fatg in svilup e creschida ensemen. Ir si per puspè turnar engiu en in onn duai tutgar al passà.

Il si e giu dal CB Laax

Avrir la box Serrar la box

2014/15 – 5. liga

2015/16 – 4. liga

2016/17 – 4. liga

2017/18 – 5. liga

2018/19 – 4. liga

2019/20 – 5. liga

2020/21 – 5. liga

2021/22 – 4. liga

RTR actualitad 07:00

Artitgels legids il pli savens

Scrollar a sanestra Scrollar a dretga