En 18 gieus da campiunadi ha il CB Laax festivà sulettamain ina victoria. Uschia èsi mo logic che l'equipa da la Foppa sto puspè far il pass enavos en 5. liga.
Tenor il trenader Ivan Brunold datti plirs motivs, pertge ch'i n'ha betg tanschì per restar en 4. liga. La stad passada hajan els gì bleras midadas en il cader ed uschia hajan els stuì structurar ina nova equipa. Forsa haja la fin finala era la qualitad mancà. Dentant:
Nus avain era pers gieus fitg tup e n'avain betg gì il cletg. Quai è dentant savens uschia, sch'ins è a la cua da la tabella.
Malgrà la relegaziun èsi per Ivan Brunold cler: La finamira da la proxima stagiun saja, da puspè far la promoziun da la 5. liga en la 4. liga. La finamira a lunga vista saja da s'etablir en 4. liga.
Il si e giu dal CB Laax ils ultims onns
- 2014/2015 - 5. liga
- 2015/2016 - 4. liga
- 2016/2017 - 4. liga
- 2017/2018 - 5. liga
- 2018/2019 - 4. liga
- 2019/2020 - 5. liga
RR Sportissimo 17:00