-
Bild 1 von 5. Maletg d'archiv (gieu tranter il CB Lumnezia e la US Schluein/Glion il 2018). Bildquelle: MAD.
-
Bild 2 von 5. Maletg d'archiv (gieu tranter il CB Lumnezia e la US Schluein/Glion il 2018). Bildquelle: MAD .
-
Bild 3 von 5. Maletg d'archiv (gieu tranter Cuira 97 e Seuzach). Bildquelle: MAD.
-
Bild 4 von 5. Il mund da ballape stat eri, era quel sin ils plazs da ballape regiunals. Bildquelle: MAD CB TRUN/RABIUS.
-
Bild 5 von 5. Tals maletgs na vegnins probabel betg pli a vesair questa stagiun. Bildquelle: MAD CB Trun/RABIUS.
Igl è ina situaziun nunusitada per tut ils amaturs da ballape. Ina situaziun che nagin enconuscheva fin ch'il coronavirus ha franà il mund ed uschia er il mund da ballape. Il mars u entschatta avrigl è adina il temp cura ch'ils campiunadis da ballape regiunal cumenzan.
Tge far durant quest temp senza trenament e gieus?
Actualmain datti pli impurtantas chaussas ch'il ballape, di Livio Janka dal CB Trun/Rabius (3. liga). Ma, i saja natiralmain donn che la stagiun da ballape dettia en l'aua.
Ins ha investì bler temp durant l'enviern e fiss stà motivà da dar campiunadi.
Serafin Bundi che dat ballape tar la US Schluein Glion en 2. liga regiunala na ha betg pli grondas speranzas ch'i vegn dà ballape questa primavaira. Perquai na trenescha el er buc grondas actualmain.
Jau trenesch in zic forza e stabilisaziun. Ma jeu na manegel betg che nus dain anc bal questa stagiun.
Fabrizio Cavegn, giugader tar il «Team Südostschweiz» sut 18 onns ha in cler plan da trenament durant quest temp nunusità. Il giuven da Vella ha la finamira da far in di il pass tar ils profis.
Jau trenesch a chasa forza, mon a currer, cun velo u ch'jau mon a dar bal cun mes frar.
Actualmain datti pli impurtantas chaussas ch'il sport da ballape. Quai è conscient als trais giugaders passiunads. Tuttina speran els natiralmain che la situaziun cun il coronvirus sa calma puspè e ch'ins possia bainspert puspè ir suenter al grond hobi.