Siglir tar il cuntegn

Header

Legenda: Ivan Brenn, il president dal Club da ballape Surses persequitescha la partida da l’adversari. RTR, Tona Poltera
cuntegn

Ballape regiunal In gol decida en disfavur da Surses

Cun la victoria dad 1:0 dal CB Lumnezia cunter Schluein Glion n’è era stà nagut cun la promoziun dal Club da ballape Surses. In gol ha fatg la differenza tranter quarta e terza liga.

«Lumnezia ha merità la promoziun», uschia gratulescha il president dal Club da ballape Surses CBS Ivan Brenn als concurrents. En il davos gieu dal campiunadi da ballape da la quarta liga han ils Lumnezians gudagnà cun 1:0 cunter Schluein Glion, ed uschia segirà promoziun.

audio
In sulet gol ha decis – il CB Surses vinavant en 4. liga
03:15 min, Actualitad dals 28.06.2021.
laschar ir. Durada: 03:15 minutas.

En ils agens pes

Ivan Brenn n'è betg trumpà che la decisiun è crudada a disfavur da ses club en il davos gieu. «Nus vessans gì la schanza en l’inscunter direct cun Lumnezia da far il pass en la terza liga». Ussa saja da guardar enavant ed esser pront per speranza ina stagiun regulara, e da terminar quella a la testa da la tabella.

RTR actualitad 07:00

Artitgels legids il pli savens

Scrollar a sanestra Scrollar a dretga