Il nov campiunadi da ballape da la tschintgavla liga ha cumenzà bain per ils Lusitanos de Samedan. La squadra ha gudagnà trais giadas, ina giada ha la squadra dà pari ed ina giada pers. Actualmain è la squadra sin ina plazza che garantiss partidas da promoziun per far il pass en quarta liga.
Equipa fitg giuvna emprova da promover
Sco tar bleras autras squadras datti er tar ils Lusitanos de Samedan blers midaments. Pervi da la lavur ni pervia da la scolaziun bandunan blers giuvens la val e na san uschia betg pli dar regularmain per l’equipa. Tuttina n'han ils Lusitanos de Samedan betg gronds problems cun giugaders giuvens. Para èn avant maun avunda giuvens giugaders ch'emprovan da far il pass en l’emprima equipa. Uschia ha la squadra da Samedan prendì si en vista a la nova stagiun inqual junior per dar il campiunadi en tschintgavla liga. La partenza en il nov campiunadi è grategiada. La finamira resta da far il pass enavos en quarta liga.
Nus vulain propi fitg ferm turnar en quarta liga