Segunda liga interregiunala
En la 2. liga interregiunala ha Cuira 97 pers la partida a chasa sonda saira cunter Schaffusa cun 1:2. Cun quai croda Cuira sin plaz sis da la tabella.
Segunda liga regiunala
Cunter il FC Flawil n'hai er betg tanschì per il CB Domat en la segunda liga regiunala. La squadra grischuna ha perdì cunter il FC Flawil 0:3. Domat finescha uschia la stagiun sin plaz trais da la tabella.
Terza Liga
En la terza liga perda Schluein/Glion l'ultim gieu da la stagiun en maniera dramatica a chasa cunter Triesenberg cun 2:3. Fin trais minutas avant la fin eran ils Sursilvans oravant cun 2:1. Tras in gol en la 87avla ed in auter en la 91avla minuta ha l'equipa da Liechtenstein dentant anc vieut la partida.
Sin la rangaziun n'ha questa terrada dentant gì nagin'influenza. Schluein/Glion finescha la stagiun 2022/23 sin rang dus.
Er Trun/Rabius ha pers ses l'ultim gieu, quai cun 2:5 cunter Landquart. L'equipa da la Cadi concluda uschia la stagiun sin plaz set.
Valposchiavo Calcio che ha già segira l'emna passada sia promoziun en segunda liga, perda sia ultima partida en la terza liga cun 0:1 cunter Buchs.
