En la segunda liga interregiunala ha Cuira 97 fatg in pari 2:2 cunter Dardania Son Gagl. Quai suenter duas terradas en ils ultims dus gieus. Cuira è il mument sin plazza 10 da la tabella, quai cun 7 puncts. L'adversari da Son Gagl ha in punct dapli.
Festivà ina victoria po Valposchiavo Calcio che gioga en segunda liga regiunala. Ils giugaders dal Puschlav han battì a chasa il FC Abtwil-Engelburg cun 3:1. Uschia salida Valposchiavo da plazza trais da la tabella cun 10 puncts. Domat perda percunter a chasa cunter il chau da l tabella, il FC Altstätten, cun 1:2.
En terza liga ha Schluein-Glion gudagnà a chasa cunter il CB Domat cun 5:2. Schluein Glion è uschia cun 10 puncts sin plazza 2 da la tabella, suenter il FC Schaan ch'ha 5 puncts dapli.
Trun/Rabius sa chatta suenter tschintg gieus sin il segund ultim plaz. Dumengia perda la squadra da la Cadi ordaifer cunter Flums cun 1:3.