Siglir tar il cuntegn

Header

cuntegn

2. liga interregiunala Segunda victoria per Cuira

Cuira 97 ha astgà festivà en il segund gieu da campiunadi la segunda victoria. Suenter la victoria da gala l'emna passada, han ils Grischuns dentant stuì morder pli fitg en il segund gieu.

En la 2 liga interregiunala gudogna Cuira 97 ordaifer cunter l'FC Widnau cun 2:0. Cuira resta uschia a la testa da la tabella cun 6 puncts suenter 2 gieus. L'equipa grischuna è ida en avantatg en la 61avla minuta entras in gol da Ridvan Kardesoglu. La decisiun è pir crudada en la 93avla minuta. Lura ha Lorenzo Cazzato sajetà il 2:0. Ils dus giugaders rumantschs Carlo Bearth e Rafael Deplazes han omadus dà davent da l'entschatta per Cuira 97.

L'emprim gieu aveva Cuira 97 gudagnà gist cun 17:1 cunter Turitg United. Proxima sonda retschaivan ils Grischuns a chasa l'FC Uzwil.

RR novitads 21:00