Uss è era il Club da ballape Trun/Rabius pertutgà. Pervi dad in cas da corona sto il club sursilvan da la terza liga spustar ils proxims 2 gieus da campiunadi ordaifer – vul dir il gieu da sonda cunter la segunda equipa da Cuira 97 ed il gieu da mesemna proxima cunter Landquart. Quai ha il club communitgà oz ad RTR.
Il giugader pertutgà saja probablamain s'infectà la sonda. Suenter avair consultà il medi, stoppia uss l'entira squadra che ha giugà la dumengia passada cunter Buchs en quarantina. I na sa tracta qua dentant betg d'in cumond uffizial – in tal po dar be il chantun.
Suenter ils emprims 7 gieus da campiunadi è il CB Trun/Rabius sin l’11avel plaz da la tabella ed uschia sin in plaz da relegaziun.
audio
Per tadlar: Las novitads da las 17:00
ord Novitads dals 23.10.2020.
Maletg: RTR
laschar ir. Durada: 5 minutas 48 Secundas.