Siglir tar il cuntegn

Header

audio
Ballape regiunal – CB Surses a la testa da la tabella
Or da Actualitad dals 10.10.2020.
laschar ir. Durada: 2 minutas 12 Secundas.
cuntegn

Ballape regiunal CB Surses sin unda da success

Ils ultims onns è il CB Surses stada ina tipica equipa amez la tabella en 4. liga. Quest onn vesa tut ora auter.

lls ultims onns era Surses in'equipa ch'era adina buna per ina u l'autra surpraisa. A la testa da la tabella en 4. liga n'eran ils Surmirans dentant betg da chattar.

Tut auter quest onn – en ils emprems sis gieus da campiunadi ha il CB Surses rimnà 16 puncts. Ils Surmirans èn a la testa da la tabella, quatter puncts avant Schlarigna e Lumnezia. Il president Ivan Brenn sa mussa cuntent cun la partenza. Euforics na saja el dentant betg.

Quai è stà ina buna partenza, ma igl è da tegnair a bass l'euforia.
Autur: Ivan Brenn president CB Surses

Cler è dentant che l'equipa s'accorda. Quai sin il plaz sco er dasperas, di Ivan Brenn. Ils Simonets, Augustins, Demarmels e collegas han persvas durant il cumenzament dal campiunadi. Sche il CB Surses riva da tegnair la furma è l'equipa franc er in aspirant per la promoziun en 3. liga.

Vinavant vai per il CB Surses dumengia cun il gieu a chasa cunter il rival da Schlarigna.

RTR actualitad 08:00

Artitgels legids il pli savens