Siglir tar il cuntegn

Header

Fabrizio Cavegn durant in gieu da ballape.
Legenda: Il giuven da 18 onns, Fabrizio Cavegn ha dà l'assist tar il 2:0. mad CUIRA 97
cuntegn

Ballape regiunal Cuira 97 cumenza cun victoria

2. liga interregiunala

Partenza gartegiada per l'equipa da Cuira 97. A chasa a la Ringstrasse gudognan ils Grischuns cun 2:0 cunter Widnau. Suenter ch'i steva da pausa anc 0:0, ha Cuira pudì metter si ina crena en la segunda mesadad. Il 1:0 en la 67avla minuta ha Aleksandar Zarkovic sajettà suenter ina corna. Il 2:0 curt suenter è lura stà in'acziun sursilvana. Rafael Deplazes è stà responsabel per il gol suenter in bel pass da Fabrizio Cavegn.

Cun Carlo Bearth (chapitani), Rafael Deplazes, Fabrizio Cavegn e Lars Caduff han quatter dals tschintg Sursilvans dà davent da l'entschatta. Marino Cavegn è vegnì midà en da pausa.

Proxima sonda gioga Cuira 97 ordaifer cunter Wil.

audio
Lars Caduff davart la differenza tranter la 2. liga interregiunala e la 2. liga regiunala
00:13 min, Actualitad dals 21.08.2020.
laschar ir. Durada: 00:13 minutas.

2. liga regiunala

Per la US Schluein Glion ha il campiunadi cumenzà cun ina terrada. Ordaifer cunter Romanshorn han ils Sursilvans pers cun 0:4. L'equipa dal chantun Turgovia ha sajettà dus gols avant e dus gols suenter pausa.

Vinavant vai per l'equipa dal trenader Mate Lekishvili proxima sonda a chasa cunter Rorschach-Goldach.

3. liga

En 3. liga hai dà ina clera terrada per Trun/Rabius en l'emprim gieu da campiunadi. A chasa han ils Sursilvans pers cun 0:5 cunter Triesenberg.

In meglier cumenzament ha il favurit da gruppa Domat gì. Cunter Sargans hani festivà a chasa ina victoria da 3:1.

RTR novitads 20:00

Artitgels legids il pli savens

Scrollar a sanestra Scrollar a dretga