Siglir tar il cuntegn

Header

Giugaders da Cuira 97.
Legenda: Cuira 97 parta sco leader da la tabella en la pausa d'enviern. RTR, Gian Carlo Candinas
cuntegn

Ballape regiunal Cuira 97 dat pari 1:1 cunter FC Seuzach

En la segunda liga interregiunala hai dà in duel a la testa da la tabella: Cuira 97 ha dà in pari 1:1 cunter il FC Seuzach. Il gol per ils Grischuns ha il defensur Serkan Karamese sajettà. En la tabella maina anc adina Cuira cun 30 puncts. Seuzach è sin plaz dus e quai cun 23 puncts. La squadra da la chapitala po uschia ir sco leader da la tabella en la pausa d'enviern.

Proxima sonda, ils 9 da november, dattan ils da Cuira cunter Calcio Kreuzlingen a la Ringstrasse in gieu da qualificaziun per la cuppa svizra.

Schluein Glion dat in pari

La stagiun d'atun è ida a fin per l'US Schluein Glion la dumengia cun in pari cunter il FC Rheineck. Cun 11 puncts è la US Schluein Glion sin il 11avel plaz da la tabella avant il FC Rheineck ch'ha 10 puncts. Cunquai che era il 6avel en la tabella, il FC St. Margrethen ha be 13 puncts è suenter la pausa d'enviern anc bler pussaivel per la squadra sursilvana.

Victoria per Trun/Rabius

En terza liga ha Trun/Rabius gudagnà cun 2:1 la partida cunter l'ultim da la tabella, Sargans. Cun 1 5 puncts ord 11 gieus vegn l'equipa promovida dal CB Trun/Rabius ad ir en la pausa d'enviern cun in plaz amez la tabella.

RTR novitads 20:00