Suenter la victoria da la sonda passada ha l'equipa dal trenader Maximilian Knuth pudì festivar era in'emna pli tard ina victoria.
Dals tschintg Sursilvans che fan part da l'equipa da Cuira 97 han quatter dà davent da l'entschatta (Rafael Deplazes, Fabrizio e Marino Cavegn e Lars Caduff). Carlo Bearth n'ha betg pudì ir sin il pastget. El era bloccà per quest gieu.
Suenter 10 partidas resta il club da la chapitala grischuna vinavant sin il quart plaz da la tabella cun 19 puncts. Cuira ha però dà dapli gieus che ils persequitaders.