Siglir tar il cuntegn

Header

cuntegn

Ballape regiunal Engiadina CB Schlarigna top – Lusitanos flop

Suenter las emprimas quatter partidas dal campiunadi en quarta liga è il CB Schlarigna a la testa da la tabella. Ils Lusitanos de Samedan èn a la cua.

Il CB Schlarigna ed ils Lusitanos de Samedan èn bain duas equipas da l’Engiadin'Ota. Las duas meglras equipas da ballape en Engiadina han dentant tut autras finamiras. Il CB Schlarigna e stà durant las davosas stagiuns adina ina da las fermas squadras da la quarta liga. Adina ha il CB Schlarigna giugà per ils emprims plazs. Uschia n'èsi era betg ina surpraisa che Schlarigna è al principi da la nova stagiun puspè ina da las fermas squadras en quarta liga. L’equipa ha suenter ils emprims quatter gieus il maximum da puncts sin il conto ed è sin l’emprim plaz.

Sin la tabella vesa tut ora bain, nus avain dentant problems da decider il gieu gia pli baud.
Autur: Amos Sciuchetti schef da sport CB Schlarigna
audio
Schlarigna a la testa da la tabella, Lusitanos a la cua
ord Actualitad dals 24.09.2020.
laschar ir. Durada: 3 minutas 38 Secundas.

Lusitanos per il mument betg cumpetitivs

L’onn passà èn ils Lusitanos de Samedan puspè turnads en la quarta liga. Gia alura era cler, ch'i vegnia fitg difficil per l’equipa che sa cumpona cumplettamain da giugaders cun ragischs portugaisas. L’emprima stagiun enavos en la quarta liga ha la fin abrupta da la stagiun pervia da corona salvà ils Lusitanos. Era al principi da questa stagiun porta la squadra puspè la laterna cotschna. Uschia vegni a vegnir fitg grev da restar en la quarta liga e da betg far puspè il pass enavos.

Il grond problem è ch'ils giugaders giuvens han l’emprim da s’adattar a l’equipa.
Autur: Fabio Martins defensur Lusitanos de Samedan

RTR actualitad 12:00

Artitgels legids il pli savens