Siglir tar il cuntegn

Header

Navigaziun

Equipa da Cuira 97
Legenda: A Bassersdorf perda Cuira cun 2:5. MAD
cuntegn

Ballape regiunal Nauscha terrada per Cuira 97

En il quart gieu da campiunadi da la 2. liga interregiunala perda Cuira cun 2:5 cunter Bassersdorf. En 3. liga resta Trun/Rabius senza terrada e senza victoria.

En il quart gieu da la stagiun hai dà l'emprima terrada per Cuira 97. A Bassersdorf han ils Grischuns pers cun 2:5. Malgrà la terrada resta Cuira sin plazza 3 da la tabella. Sco gia els emprims trais gieus da campiunadi èn ils dus Sursilvans Carlo Bearth (capitani) e Rafael Deplazes era stà cunter Bassersdorf davent da l'entschatta sin il plaz.

2. liga regiunala

A chasa cunter Rorschach-Goldach han ils Sursilvans gudagnà cun 4:2. Il hosp è gia baud i en avantag, fin la pausa èsi dentant gartegià a Schluein da volver il gieu e da sajettà trais gols. Um dal gieu è l'attatgader Lars Caduff stà. El ha sajettà 3 gols tar la victoria. Uschia ha Caduff suenter dus gieus gia 5 gols sin ses conto.

3. liga - Victoria per Domat, pari per Trun/Rabius

Il CB Trun/Rabius ha recaltgà en il segund gieu da campiunadi il segund punct. A chasa cunter Tusaun/Cazas ha l'equipa da la Cadi giugà 1:1. Daniel Monn ha sajettà en avantatg Trun/Rabius en la 76avla minuta, dentant è Tusaun vegnì d'egualisar mo paucas minutas pli tard.

D'ina partenza perfetga sa il CB Domat discurrer. L'equipa dal trenader Walter Frizzoni ha gudagnà ordaifer cunter Gams cun 2:1 ed ha uschia fatg 6 puncts ord ils emprims dus gieus. Suenter la stretga victoria avant in'emna cunter Sargans ha il CB Domat era en il segund gieu da la stagiun stuì cumbatter fitg per ils puncts.

Omadus gols ha Mitko Gjorgjievski sajettà gia en l'emprima mesadad. Grazia a la segunda victoria en il segund gieu, è Domat actualmain da chattar a la testa da la tabella.

RR novitads 21:00