Pervia da la plievgia intensiva questa fin d‘emna èn er plirs gieus dal ballape regiunal vegnids spustads – quai surtut en Surselva. Tranter auter tutga quai il gieu da la segunda liga tranter l‘US Schluein Glion encunter Rorschach-Goldach che fiss stà questa saira a las sis a Schluein.
Er il CB Trun/Rabius na po betg giugar oz ses segund gieu da campiunadi en la terza liga encunter Tusaun-Cazis. Cura che quests gieus vegnan prendids suenter, n‘è anc betg cler.
