Siglir tar il cuntegn

Header

audio
Nagin ballape regiunal fin la primavaira 2021.
Or da Actualitad dals 03.11.2020.
laschar ir. Durada: 3 minutas 9 Secundas.
cuntegn

Campiunadis interruts «Nus avain quintà cun quai»

Pervia dal coronavirus ha il campiunadi da ballape en las ligas pli bassas stuì vegnir interruts. Fin la primavaira na vegn betg pli giugà ballape, quai er tenor las prescripziuns dal Cussegl federal.

Ils clubs da ballape da la Surselva han cumenzà plain anim la runda d’atun. Anc avant che quella saja a fin ha la pandemia da corona sfurzà da trair il frain. Pliras equipas avessan anc gì da dar bain inqual gieu avant la pausa d’enviern. Ussa speran tuts che quels gieus possian vegnir dads la primavaira e ch’il campiunadi possia lura cuntinuà sco planisà.

Clubs mussan chapientscha

Ils responsabels dals differents clubs da ballape en Surselva mussan gronda chapientscha per questa decisiun. Differents clubs èn numnadamain stads sezs pertutgads dal Coronavirus. Gist il CB Trun/Rabius ha gì cas positivs sinaquai che tut ils giugaders èn stads sfurzads da star 10 dis en quarantina.

Malgrà concepts da segirtad e prescripziuns n’èsi tenor Giacun Vinzens, trenader CB Lumnezia, er betg pussibel da tegnair en tut las reglas. Gist en las gardarobas ni sut la duscha na saja betg adina pussibel d’avair ina distanza d’in meter e mez in da l’auter. Il pli impurtant saja uss d’avair sut controlla il virus. Prioritad haja la sanada e betg il ballape, uschia il tenor dals trenaders e presidents.

Actualitad 11:00

Artitgels legids il pli savens