Siglir tar il cuntegn

Header

Navigaziun

Logo Cb Schlarigna
Legenda: Logo CB Schlarigna RTR, Roman Dobler
cuntegn

Ballape regiunal CB Schlarigna – sco leader en la runda da primavaira

Il CB Schlarigna ha savì ir sco leader en la quarta liga en la posa d’enviern. Uss vul l’equipa puspè attatgar durant la runda da primavaira.

Il CB Schlarigna ha giu ina stupenta emprima mesadad dal campiunadi en quarta liga: L’equipa da l’Engiadin'Ota ha gudagnà otg da las emprimas nov partidas dal campiunadi. Be ina suletta partida ha l’equipa dà pari. Gest avant la posa d’enviern ha l’equipa giugà 0:0 cunter Danis Tavanasa.

A la testa da la tabella en la posa

Quasi cun il maximum dals puncts pussaivels è il CB Schlarigna i en la pausa d’enviern. Durant quella è l’equipa sa preparada per la runda da primavaira. Per gronda part en halla, dentant er cun in camp da trenament a Gordona sper Chiavenna en l'Italia. En il sid è l’equipa sa preparada da maniera optimala sin la runda da primavaira.

Partenza encunter Cuira 97

L’emprima partida da la runda da primavaira dat il CB Schlarigna encunter la terza equipa da Cuira 97. Sco mintg’onn dat Schlarigna las emprimas partidas da primavaira ordaifer. Sche tut va bain, alura turna l’equipa la fin dad avrigl sin l'atgna plazza da ballape San Gian per cuntinuar là cun las partidas da la runda da primavaira.

RR Sportissimo 17:05