Siglir tar il cuntegn

Header

audio
Saira: Patrick Haltiner e Gian Beeli – per 90 minutas rivals enstagl amis
Or da Actualitad dals 17.05.2019.
laschar ir. Durada: 03:21 minutas.
cuntegn

Cuira 97 vs. US Schluein Glion Per 90 minutas rivals enstagl amis

Avant bun tschintg onns han ils dus vischins da Sagogn, Patrick Haltiner e Gian Beeli, fundà ensemen l’equipa da dunnas da l’US Schluein Glion. Haltiner era da lez temp il scheftrenader.

Suenter ina pausa ha Patrick Haltiner surpiglià il mars da quest onn la batgetta tar l’equipa da dunnas da Cuira 97. A Schluein ha actualmain Gian Beeli il davos pled.

I va er per prestige

Sonda, ils 18 da matg, spetga uss il duel tranter ils dus vischins ed amis da Sagogn. Cuira 97 che maina la tabella e ha la finamira da far il pass en terza liga retschaiva a chasa l’equipa da Schluein Glion, il terz da la tabella. Cunquai fruntan ils dus trenaders Beeli e Haltiner per l’emprima giada in sin l’auter. Per omadus èsi in gieu spezial nua ch’i na va betg sulet per trais puncts, mabain era per prestige.

Malgrà che Cuira 97 vala sco favurit en quest gieu da campiunadi en quarta liga dastgan las Sursilvanas ir cun gronda confidenza en quest duel. Las dunnas da Schluein Glion èn numnadamain la suletta equipa ch’ha gia battì ina giada Cuira 97 èn questa stagiun 2018/2019.

RR actualitad 17:00