Siglir tar il cuntegn

Header

Navigaziun

cuntegn

Cuppa grischuna La meglra equipa grischuna desista da la cuppa grischuna

Tar Cuira 97 sco er tar Domat èn ils ultims onns las segundas equipas stadas en acziun en la cuppa grischuna. Pertge che quai è uschia, han ils dus presidents ditg ad RTR.

Gia per la segunda giada en roda dattan la segunda equipa da Cuira 97 e la AS Moesa il final da la cuppa grischuna. Duas equipas da 3. liga.

La cuppa grischuna senza la meglra equipa

En il ballape grischun è l'emprima equipa Cuira 97, il cler numer 1. L'equipa dat en la 2. liga interregiunala, duas ligas pli aut che tut ils auters clubs dal chantun Grischun. Tenor il president da Curia 97 è quai er il motiv principal, daco ch'els sa participeschan a la cuppa grischuna dapi insaquants onns cun la segunda equipa.

La differenza tranter la 2. liga interregiunala e la 3. liga è pulit gronda. Uschia na fissi betg fair sche nus dessan cun l'emprima equipa la cuppa grischuna.
Autur: Sepp Müllerpresident da Cuira 97

Dapi dus onns na fa era l'emprima equipa da Domat betg pli part a la cuppa grischuna. E quai malgrà ch'igl è ina equipa da 3. liga. Tenor il president Walter Frizzoni datti dentant simpels motivs, pertge che lur segunda equipa dat la cuppa grischuna.

Las stentas èn fitg grondas durant la stagiun cun campiunadi, cuppa svizra e cuppa grischuna. Perquai avain decidì da laschar dar nossa segunda equipa la cuppa grischuna.
Autur: Walter Frizzonipresident dal CB Domat

RR actualitad 17:00