Siglir tar il cuntegn

Header

cuntegn

Ballape regiunal Derby sursilvan da 3. liga vegn giugà questa dumengia

Il gieu tranter il CB Lumnezia e la US Schluein Glion ha stuì vegnir spustà pervia da la naiv da la penultima fin d'emna. Uss vegn l'emprim derby en 3. liga dapi 12 onns giugà dumengia, ils 11 da november 2018.

Ils davos onns èn las duas equipas savens stadas duas ligas in ord l'autra. La US Schluein Glion ha giugà plirs onns en segunda liga, il CB Lumnezia ha dà enfin questa stagiun en quarta liga. Il davos inscunter da las duas equipas en terza liga ha gì lieu il 2006. Quella giada hai dà in remis dad 1:1 sin il plaz Bual a Vella.

En il medem lieu vegni uss puspè tar quest duel. RTR mussa il derby live davent da las 13:50 sin rtr.ch, sin facebook e via HBBTV sin SRF1/SRF2. Il gieu cumenza a las 14:00.

Sportissimo live da Vella

La dumengia vegnan las emissiuns sportissimo emessas direct davent da la plazza da ballape Bual a Vella. A las 12:00 udis las spetgas da las equipas avant il gieu ed a las 17:00 las reacziuns da trenaders e giugaders suenter il gieu live da Vella.

Artitgels legids il pli savens