Lumnezia ha gudagnà pir 3 da 12 gieus da campiunadi fin ussa ed èn actualmain sut il stritg da la tabella. Tuttina crai l’equipa dal trenader Giacun Vinzens ch’igl è pussibel da procurar per ina surpraisa en il derby a Crap Gries encunter l’US Schluein Glion ed uschia er far ina revantscha per la terrada en l’emprim derby (1:3) il november a Vella.
Nus duvrain segir in zic cletg e nus stuain avair il gieu che va per nus. Ed uschè ditg ch’i stat 0:0 è la schanza adina qua da gudagnar.
In derby scriva plinavant sias atgnas istorgias. Tuttina sto tut ir si optimal per il CB Lumnezia. I dovra las paradas dal goli Martin Mark ed ils gols da Yanick Demont, il capo-sajettagols da l’entira liga.
RR actualitad 17:00
