Siglir tar il cuntegn

Header

Purtret da Giacomelli durant il derby cunter Lumnezia il 2018.
Legenda: Per Alessandro Giacomelli è Schluein stà l'emprima staziun sco trenader. Avant aveva el giugà ballape, tranter auter, tar Domat sco er tar Cuira 97. USSI, Dusan Weigl
cuntegn

Giacomelli demissiunescha US Schluein Glion sto tschertgar in nov trenader

Alessandro Giacomelli è stà trenader da l'USSI dapi la stad 2018. Per raschuns persunalas demissiunescha el nunspetgadamain sin la fin da quest onn. La tschertga d'in nov trenader ha gia cumenzà tar l'equipa da la Foppa.

Giacomelli ha surpiglià l'equipa sursilvana il fanadur 2018 sco giugader-trenader ed ha manà ella da la terza en la segunda liga regiunala. Questa stagiun, en ina liga pli auta è l'equipa partida bain, tranter auter cun duas victorias encunter ils dus emprims da la tabella. Cunter fin da l'atun ha ella dentant mussà prestaziuns pli flaivlas. Uss sa chatta l'equipa sin il penultim plaz da la tabella. La situaziun en la tabella n'è dentant betg stà il motiv per la decisiun d'Alessandro Giacomelli.

La cumissiun tecnica da l'USSI tschertga ussa in nov trenader. Sch'i duai esser insatgi d'entaifer u d'ordaifer l'uniun, n'è anc betg cler. Il schef da sport, David Caduff, ha dentant concedì ad RTR, ch'el prefereschia ina schliaziun interna.

RR novitads 21:00