Siglir tar il cuntegn

Header

cuntegn

Ballape regiunal Igl è puspe uras per il derby tranter Schluein Glion e Lumnezia

Il CB Lumnezia vul revantscha per la terrada da l'atun passà. L'US Schluein Glion vul mussar ch'ella è vinavant la meglra equipa Sursilvana en 3. liga. Il derby datti da vesair venderdi saira a Schluein, u live tar RTR.

La primavaira, cura ch’ils sports d’enviern fan plaz als sports da stad, spetga era il proxim livestream da ballape regiunal. Radiotelevisiun Svizra Rumantscha (RTR) emetta live il derby sursilvan da terza liga tranter la US Schluein Glion ed il CB Lumnezia. Il gieu è venderdi saira, ils 5 d’avrigl 2019, a las 20:30 a Schluein Crap Gries.

La US Schluein Glion è il grond favurit

Tenor la tabella è Schluein cleramain da favurisar en quest derby. Els èn actualmain sin plaz 2. Il CB Lumnezia è suenter 12 gieus da campiunadi cun 10 puncts sin in plaz da relegaziun. Omaduas equipas dovran pia ils puncts. Schluein Glion per cumbatter vinavant per la promoziun en la 2. liga regiunala e Lumnezia per vegnir davent dal stritg.

Il gieu da l’atun, l’emprim derby sursilvan en terza liga dapi 12 onns, ha Schluein Glion gudagnà cun 3:1. Uss han ils Lumnezians la schanza sin la revantscha.

Tabella en 3. liga

1
FC Bogn Ragaz
29 puncts
2US Schluein Glion
28 puncts
3Cuira 97 2
20 puncts
4USV Eschen/Mauren2
18 puncts
5Valposchiavo Calcio
17 puncts
6FC Sargans
17 puncts
7FC Landquart-Signuradi
15 puncts
8FC Domat/Ems
15 puncts
9FC Tusaun-Cazas
14 puncts
10FC Walenstadt
11 puncts
11CB Lumnezia
10 puncts
12FC Netstal
10 puncts

RTR Livestream 05.04.2019

Artitgels legids il pli savens