Siglir tar il cuntegn

Header

audio
Il coronavirus fraina Cuira 97
Or da Sportissimo dals 14.03.2020.
laschar ir. Durada: 02:25 minutas.
cuntegn

Ballape regiunal Il coronavirus fraina Cuira 97

Cuira 97 ha mussà ina fitg ferma stagiun d'atun ed è a la testa da la tabella en la 2. liga interregiunala. Il coronavirus fraina uss dentant l'equipa.

La stagiun d'atun è stada dapli che mo optimala per Cuira 97. En 13 gieus han ils Grischuns recaltgà 30 puncts. L'equipa dal trenader-giugader Maximilian Knuth ha bajegià si durant l'atun ina mentalitad da gudagnar. Blers gieus èn stads fitg gulivs, mo savens èn ils puncts restads a Cuira. Cun 6 puncts avantatg e dapli è l'equipa ida en la pausa d'enviern.

Coronavirus fraina l'equipa

Il chantun Grischun ha scumandà il venderdi tut las occurrenzas da sport fin ils 30 d'avrigl. Co i va vinavant suenter n'è anc betg cler.

Per Cuira 97 èsi putgà che l'equipa vegn franada sin questa moda e maniera. L'equipa fiss stada pinada per la stagiun da primavaira ed avess gì bunas schanzas da cumbatter per il plaz 1. Quai fiss il pass enavos en 1. liga, nua che Cuira ha giugà l'ultima giada la stagiun 2013/2014.

Scumond da trenaments e gieus

La regenza grischuna ha scumandà il venderdi (13-03-2020) tut las occurrenzas da sport en il Grischun fin ils 30-04-2020. Er trenaments n'èn betg lubì. Quai munta ch'i na dastga vegnì da ballape en naginas ligas regiunalas per il proxim temp. Co i va vinvant suenter n'è betg enconuschent.

RTR Sportissimo 17:00

Artitgels legids il pli savens

Scrollar a sanestra Scrollar a dretga