Siglir tar il cuntegn

Header

audio
Ils juniors B dal Team Surselva sin in'unda da success
Or da Sportissimo dals 31.10.2019.
abspielen. Laufzeit 3 minutas 56 Sekunden.
cuntegn

Juniors B Team Surselva fa surstar in e scadin

Ils juniors B dal Team Surselva èn marschads da victoria a victoria en lur emprima stagiun en la Coca-Cola League, la pli auta liga da juniors insumma. L’equipa da Claudio Bundi va uschia sco segund da la tabella en la pausa d’enviern.

Il juniors da 15 e 16 onns che derivan da l’entira Surselva han fatg la stagiun passada il pass en la pli auta liga da juniors, insatge ch’era anc mai reussì avant ad in’equipa sursilvana. E malgrà ch’il Team Surselva ha stuì sa mesirar ils davos mais cun ils megliers da la Svizra Orientala han ils juniors B mussà gia davent da l’emprima runda ch’els na vegnan betg sulet da tegnair pitg cun ils adversaris, mabain er da sa maschadar a la testa da la tabella.

audio
Claudio Bundi, trenader dal Team Surselva
aus Sportissimo vom 31.10.2019.
abspielen. Laufzeit 4 minutas 44 Sekunden.

Ussa spetga la pausa d’enviern. Ils proxims mais vegn Claudio Bundi a trenar cun ses juniors en halla per uschia er far ina buna figura en la runda da primavaira. La finamira è da restar almain sin il segund plaz da la tabella.

RR actualitad 11:00 / Sportissimo 17:00

Artitgels legids il pli savens

Scrollar a sanestra Scrollar a dretga