Siglir tar il cuntegn

Header

Purtret dals giuvens durant in gieu da ballaper.
Legenda: Ils juniors B a la Surselva partan sonda en il campiunadi encunter Amriswil. FMR, Hans Huonder
cuntegn

Juniors da ballape Pronts per la segunda stagiun

Sonda partan ils juniors B da la Surselva en la segunda stagiun dal campiunadi regiunal dals campiuns. Els partan en il campiunadi encunter Amriswil.

Suenter la prestaziun da l'atun passà cun il segund rang final sin la tabella spetga il trenader Claudio Bundi ina stagiun fitg greva.

Uss n'essan nus betg pli novizs. Ils adversaris enconuschan nus e sin fundament da las prestaziuns da l'atun vegnin nus prendids pli serius da quels.
Autur: Claudio Bunditrenader da ballape dals juniors B

Pervi da la limita da vegliadetgna è la selecziun sursilvana, che consista da giugaders da plirs clubs, regiuvinada per radund la mesadad. Las preparativas per questa stagiun èn stadas difficilas suenter che l'entir campiunadi da la primavaira è crudà en l'aua pervi dal coronavirus.

Sa tegnair en la liga

La finamira da Claudio Bundi è da sa tegnair cun sia equipa en questa gruppa. Da giuditgar la fermezza da l'equipa saja dentant grev. Radund la mesadad dals giugaders èn novs, ma uschia saja er tar ils adversaris. Ils novs stoppian sco emprim anc sa lavurar en e s'endisar vid il ritmus.

A lunga vista na vegnin nus probablamain betg da restar en la gruppa dals campiuns. Sin fundament dal svilup demografic na vegnin nus probabel betg ad avair avunda giugaders per quest nivel. En quest grau han ils clubs da la bassa tut autras premissas.
Autur: Claudio Bunditrenader da ballape dals juniors B

En emprima lingia dovria ussa temp e pazienza per integrar bain ils giuvens en l'equipa. L'atun passà han ils juniors B da la Surselva persvas sur tut grazia a lur prestaziun collectiva.

Artitgels legids il pli savens

Scrollar a sanestra Scrollar a dretga