Siglir tar il cuntegn

Header

Navigaziun

Cuira 997
Legenda: Cuira 97 ha la finamira da far in pass enavant en la tabella. Cuira97
cuntegn

Ballape regiunal Sajettar Cuira 97 davent dal stritg

La stagiun è stada greva per Cuira 97 fin uss. Cun in nov trenader e nov schlantsch vul l'equipa da la chapitala grischuna far uss in pass enavant.

Actualmain è Cuira 97 rangà sin plaz 11 da 14 equipas. L'equipa è mo in punct sur il stritg. L'emprima finamira questa primavaira sto perquai esser da betg stuair cumbatter cunter la relegaziun.

Pli ferm che l'atun

Dapi questa primavaira ha Cuira 97 in giugader-trenader. Il Tudestg Maximilian Knuth è il nov schef tar l'equipa da Cuira. Era uschiglio hai dà inqual rinforzament per l'equipa. Tenor l'attatgader Rafael Deplazes èsi impurtant che l'equipa vegn spert davent dal stritg. Ed el menziuna era ch'els hajan in pli lartg cader cumpareglià cun la situaziun l'atun. Quai saja da grond avantatg.

Rafael Deplazes vul era sez far progress. Il giuven da 21 onns ha sajettà l'atun trais gols en 12 gieus.

La finamira persunala è da sajettar dapli gols che la primavaira.
Autur: Rafael Deplazesgiugader tar Cuira 97

RR actualitad 17:00