Ballape regiunal - Situaziun da partenza differenta

Per las duas equipas è la situaziun da partenza pulit differenta. Schluein Glion ha suenter la runda d’atun in sulet punct retard sin Bogn Ragaz che è a la testa da la gruppa e la schanza da cuntanscher l’emprim rang è anc adina intacta. Tut auter la situaziun tar Lumnezia. Ils Lumnezians èn il mument sut il stritg e cumbattan uschia per surviver en la terza liga.

audio

Ballape: Intervista cun Duri Demont – Trenader assistent Lumnezia

04:09 min, ord Sportissimo dals 30.03.2019.

laschar ir. Durada: 4 minutas 9 Secundas.

Emprims gieus ordaifer

Omaduas equipas che han dacurt anc absolvì in camp da trenament en il sid - Schluein Glion al Lai da Garda e Lumnezia a Tenero - lantschan la runda da primavaira cun in gieu ordaifer. Il CB Lumnezia frunta la sonda sin Sargans e l’US Schluein Glion la dumengia sin Landquart-Signuradi.

audio

Ballape: Intervista cun Luca Vinzens – Capitani US Schluein Glion

05:16 min, ord Sportissimo dals 30.03.2019.

laschar ir. Durada: 5 minutas 16 Secundas.

Il venderdi che vegn, ils 5 d’avrigl a las 20.00 uras, vegni en l’arena Crap Gries tar il derbi sursilvan en terza liga tranter Schluein Glion e Lumnezia. RTR emetta quest gieu via livestream sin rtr.ch e sin HbbTV.

RR actualitad 17:40