Siglir tar il cuntegn

Header

Navigaziun

CB Schlarigna
Legenda: La 4. liga dal CB Schlarigna. MAD / CB Schlarigna
cuntegn

Trun/Rabius vs. Schlarigna Duel a la testa da la 4. liga

En quarta liga da ballape vai per la liongia. Il cumbat a la testa tranter il CB Trun/Rabius ed il CB Schlarigna decida davart il titel.

Quatter partidas avant la fin dal campiunadi en quarta liga vegni al cumbat a la testa. Il CB Trun/Rabius retschaiva il leader, il CB Schlarigna. Actualmain ha il CB Schlarigna in avantatg da tschintg puncts sin il CB Trun/Rabius. Cun ina ulteriura victoria dal CB Schlarigna gudogna l’equipa da l’Engiadin'Ota pli probabel il campiunadi. Cas cuntrari pudessi vegnir anc ina giada interessant.

Runda da primavaira va al CB Schlarigna

L’atun eran las duas equipas che cumbattan uss per il titel en quarta liga quasi tuttina fermas. Suenter la pausa d’enviern è il CB Schlarigna dentant vegnì meglier. Il leader da la quarta liga ha dà l’emprim gieu da la runda da primavaira pari. Suenter ha il CB Schlarigna mo pli pudì festivar victorias. Tut auter tar il CB Trun/Rabius. L’equipa Sursilvana ha pers ina giada e dà tranter auter er duas giadas in pari.

Equipa che gudogna ha bunas schanzas sin il titel

Tant en Surselva sco era en Engiadin'Ota èsi cler. L’equipa che vegn a gudagnar il duel a la testa da la quarta liga è sin buna via da gudagnar il campiunadi. Schlarigna ha gia uss cun tschintg puncts in avantatg. Suenter in'ulteriura victoria pudess il titel ir en Engiadina. Sche Trun/Rabius gudogna importa il retard sin Schlarigna mo pli dus puncts ed il campiunadi vegniss anc ina giada interessant.

RR actualitad 08:00