Siglir tar il cuntegn

Header

cuntegn

US Schluein Glion Corsin Cavegn daventa nov scheftrenader

Il trenader da l’USSI Alessandro Giacomelli era sa retratg surprendentamain la fin november. Uss ha il club sursilvan cun Corsin Cavegn in nov um a la lingia. El resta enfin la fin da la stagiun trenader da la segunda equipa.

Corsin Cavegn saja ina giada engaschà enfin la fin da la stagiun per l’equipa che dat en la segunda liga. Uschia ha il club da ballape sursilvan communitgà. Corsin Cavegn ch'è stà enfin trenader assistent succeda ad Alessandro Giacomelli, ch'aveva abditgà la fin da november per motivs privats. Sustegn survegn Corsin Cavegn da Gabriel Derungs sco trenader assistent, e da Damian Arpagaus sco trenader da golis.

audio
Saira: Corsin Cavegn surpiglia l’emprima da la USSI fin la fin da la stagiun
ord Actualitad dals 23.12.2019.
laschar ir. Durada: 1 minuta 34 Secundas.

«Schliaziun interna – schliaziun ideala»

Per il president dal club sursilvan Vendelin Cabernard, è la schliaziun interna la schliaziun giavischada. Uschia possian els mantegnair la cuntinuitad. Co i giaja vinavant la fin da la stagiun 2019/2020 – na saja uss anc betg cler.

Nus essan fitg cuntents cun la lavur da Corsin Cavegn. El vegn a manar l'equipa enfin proxima stad. Tge schliaziun ch'i dat suenter vegnin nus a sclerir pli tard.
Autur: Vendelin Cabernard President USSI
audio
Vendelin Cabernard: Nus essan cuntents cun la lavur da Corsin
ord Novitads dals 23.12.2019. Maletg: RTR
laschar ir. Durada: 16 Secundas.

La finamira da l'emprima equipa da l'US Schluein Glion saja en mintga cas da restar en segunda liga. Actualmein è l'equipa sursilvana sin ina plazza da relegaziun.

RTR novitads 11:00

Artitgels legids il pli savens