Siglir tar il cuntegn

Header

audio
intervista cun Claudio Bundi, trenader dals juniors C
Or da Sportissimo dals 07.06.2020.
laschar ir. Durada: 05:16 minutas.
cuntegn

US Schluein Glion «Il ballape ha mancà fitg»

Bun dus mais n’han las equipas da ballape betg dastgà trenar pervi da la crisa da Corona. Dapi ils 11 da matg èn ils trenaments puspè lubids, quai dentant cun tegnair en pliras mesiras dal Cussegl Federal. A partir dad uss pon las equipas puspè trenar normal ed uschia er dar gieus 11 encunter 11.

Suenter ch’ils campiunadis en las ligas regiunalas èn vegnids annullads per questa stagiun, n’han bleras uniuns betg pli cumenzà a trenar. Auter ils juniors da l’US Schluein Glion ch’han trenà il davos mais cun tegnair en diversas mesiras. Tranter auter n’han els betg dastgà trenar en gruppas cun dapli che tschintg persunas, els n’han er betg dastgà giugar la balla cun il chau u prender enta maun la balla.

Ils juniors C da l’US Schluein Glion che vegnan trenads da Claudio Bundi èn vegnids detg bain a frida cun quellas mesiras. Mo ussa sa legran els tuts da puspè pudair trenar normal ed oravant tut er da puspè dastgar dar a la fin dals trenaments in gieu 11 encunter 11.

reglas da Corona
Legenda: Er sin la plazza da ballape èsi da tegnair en diversas reglas da Corona. Andreas Wieland

Sportissimo 17:00

Artitgels legids il pli savens

Scrollar a sanestra Scrollar a dretga