Siglir tar il cuntegn

Header

da san. Nico Salutt e Laurin Fravi
Legenda: (da san.) Nico Salutt da Zernez e Laurin Fravi da Lantsch. SWISS-SKI
cuntegn

Biatlon Fravi e Salutt als campiunadis mundials davant isch-chasa

Cumbatter per in plaz sut ils top 10: quai è la finamira da Laurin Fravi da Lantsch e Nico Salutt da Zernez als campiunadis mundials da biatlon da giuvenils e juniors a Lai. Per ils dus biatlets rumantschs, ch’habiteschan omadus a Lantsch, èsi fin oz il punct culminant en la anc giuvna carriera.

Laurin Fravi ha gia cun dus onns cumenzà a far passlung. Avant bunamain 10 onns ha el lura midà tar il biatlon. L'onn passà ha el terminà il gimnasi da sport a Tavau. Uss vul el metter tut sin la carta biatlon. In success als campiunadis mundials dals juniors fiss en mintga cas ina buna basa per pli tard er far ina buna figura tar l’elita.

Nico Salutt ha midà pir avant sis onns dal passlung sin il biatlon. Per el èsi uss la davosa schanza da gudagnar ina medaglia tar ils juniors. Sper il biatlon lavura il giuven engiadinais anc en plazza parziala tar la vischnanca da Lantsch, quai sco bostger. Ina gronda passiun da Salutt è plinavant dad ir a pestga.

RTR actualitad 07:00 / Sportissimo 17:00

Dapli da Regiunalavrir la Landingpage

Nach links scrollen Nach rechts scrollen