Siglir tar il cuntegn

Header

audio
Intervista cun Eligius Tambornino en vista a la stagiun 2019/2020
Or da Sportissimo dals 19.11.2019.
laschar ir. Durada: 4 minutas 54 Secundas.
cuntegn

Biatlon Tambornino: «Jau sun fit e pront»

Eligius Tambornino è pronts per la nova stagiun. Sco el di haja el investì fitg bler en il trenament e na saja er mai vegnì franà da blessuras e malsognas durant la lunga preparaziun. Uschia è il biatlet da Trun led che la stagiun cumenza uss finalmain.

Eligius Tambornino valeva ina giada sco spezialist da sprint en il passlung. Suenter la stagiun 2014 cun la missiun gieus olimpics ch’è ida da l’aua giu, ha il Sursilvan midà tar il biatlon. Ils skis da passlung ha el pia salvà, vitiers ha el simplamain anc prendì ina buis. Dapi tschintg onns emprova Tambornino uss da far ina buna figura en il biatlon.

Onn per onn pass enavant

Cundiziunalmain saja Eligius Tambornino in dals ferms atlets en il cader, di ses trenader Jörn Wollschläger. El vessi gugent vesì ses atlet gia pli baud en il sport da biatlon. Pertge al sportist da 33 onns mancan blers onns experientscha en il sajettar, il grond deficit da Tambornino.

audio
Trenader Jörn Wollschläger davart Eligius Tambornino
ord Sportissimo dals 19.11.2019.
laschar ir. Durada: 32 Secundas.

La gronda finamira è dad ir pli savens a la partenza a cursas da la cuppa mundiala. Durant la stagiun passada è Eligius Tambornino partì a trais da nov staziuns en la cuppa mundiala. Il biatlet da Trun è dentant optimistic ch’i vegnia quest onn anc meglier, i saja ina nova schanza, nov cletg.

RR sportissimo 17:00

Artitgels legids il pli savens