Siglir tar il cuntegn

Header

audio
Intervista cun Serafin Wiestner en vista a la stagiun 2019/2020
Or da Sportissimo dals 19.11.2019.
laschar ir. Durada: 04:12 minutas.
cuntegn

Biatlon Wiestner: «Emblidar e mirar enavant»

Per Serafin Wiestner n’hai betg dà bler da rir durant la stagiun passada. Oravant tut haja el sajettà mal, uschia il biatlet da Trin. Perquai ha Wiestner er mess durant la preparaziun la stad il focus sin il sajettar.

Tut en tut sajetta Serafin Wiestner tranter 10’000 e 12’000 sajets mintga stagiun. Forsa duvrassi anc dapli per propi survegnir quella segirtad per lura sajettar bain durant las cursas da la cuppa mundiala di il biatlet da 29 onns.

Avant blers onns sajettava el anc a l’ur da sia loipa da chasa a Trin sin in clavà. Oz po el trenar en l’arena da biatlon nua che tut è top professiunal. Betg sa midà fitg saja perencunter la buis. Serafin Wiestner ch’è gia stà duas giadas a gieus olimpics sajetta anc adina cun ina sumeglianta buis sco avant 10 onns.

Da buna speranza

Durant la stagiun passada haja el forsa vulì memia bler, quai haja la finala bloccà, uschia Serafin Wiestner ch’è da buna speranza che tut vegni puspè meglier la stagiun 2019/2020. Esser là nua ch’el eri avant dus trais onns ed esser pli constant, quai la gronda finamira dals proxims mais cun il punct culminant, ils campiunadis mundials il favrer ad Antholz en il Tirol dal Sid.

RR sportissimo 17:00