Sche la situaziun permetta, datti ils 19 da settember il Bikemaraton dal Parc naziunal sin in traject alternativ. Gia l'onn passà aveva il comité d'organisaziun elavurà ina varianta alternativa per il Bikemaraton dal Parc naziunal. Quel traject maina da l'Engiadina Bassa en l'Engiadin'Ota e lura sin il traject Putèr enavos da S-chanf a Scuol. Il pli aut punct dal traject sa chatta sin 2'044 meters sur mar, uschia che la cursa pudess vegnir fatga er tar temperaturas fraidas.
Da la lunghezza nà correspundan ils trajects bunamain a las cursas originalas:
- Traject lung cumenza a Scuol cun ina distanza da 110 km e differenza d'autezza da 2'700 meters
- Traject mesaun cumenza a Zernez cun ina distanza da 78 km e differenza d'autezza da 1'500 meters
- Traject curt cumenza a S-chanf cun ina lunghezza da 47 km e differenza d'autezza da 870 meters
Ord motivs organisatorics pon sa participar maximalmain 600 curriders per traject. Sche l'occurrenza po lura vairamain avair lieu ils 19 da settember, dependa lura da las directivas da la Confederaziun e dal chantun areguard il coronavirus.