Regiunal - Bler nov tar il Swissalpine Irontrail

Regiunal Bler nov tar il Swissalpine Irontrail – era il num

La pli gronda concurrenza da currer en il Grischun è questa fin d’emna per la 33avla giada, ed ella porta bler da nov. Cun il nov num Swissalpine Irontrail e novs trajects reageschan ils organisaturs sin il fatg, che la cursa ha attratg ils davos onns adina damain sportistas e sportists.

Autur: Roger Alig / Alexi Baselgia

L’onn passà ha il Swissalpine anc dumbrà 4’500 participants e participantas, cumpareglià cun ils 6’000 da l’onn 2010 ina pulita digren. E la pli gronda reducziun hai dà tar la cursa roiala il K78, che manava da Tavau sur Filisur e Bravuogn puspè enavos a Tavau.

audio

Bunura: Curt avant la partenza dal Swissalpine Irontrail

ord Actualitad dals 28.07.2018.

laschar ir. Durada: 8 minutas 18 Secundas.

Currer sur sendas e trutgs è in

Questa giada maina il nov Swissalpine Irontrail da San Murezzan a Tavau. E la cursa gronda porscha uss bler dapli tocs che mainan sur sendas e trutgs, entant che tar il traject vegl era var la mesadad da la cursa sin vias. In dals puncts culminants dal nov traject T88 è la passascha sur Muottas Muragl.

audio

Saira: Swissalpine mida cursa e num per far frunt a la digren da participants

ord Actualitad dals 27.07.2018.

laschar ir. Durada: 3 minutas 1 Secunda.

I duai puspè ir ensi

Per l’ediziun 2018 dal Swissalpine Irontrail spetgan ils organisaturs cun l’iniziant Andrea Tuffli d’avair 3’600 fin 3’800 sportistas e sportists a la partenza da tut las differentas cursas da la concurrenza. Ed en trais onns duain quai puspè esser tranter 4’000 e 5’000, è la speranza.