Malgrà che l’equipa da Domat valeva sco il favurit suenter anc avair giugà la stagiun passada en 2. liga, ha Schluein Glion gudagnà meritadamain. Da pausa manava l’US Schluein Glion – che vegn trenada da nov dad Alessandro Giacomelli – cun 1:0. Fatg tut cler han ils Sursilvans lura cun il 3:0 en la 90avla minuta. Domat, l’equipa da Walter Frizzoni, ha la finala anc pudì sajettar in gol en il temp supplementar.
Il duel tranter l’US Schluein Glion ed il Club da ballape da Domat, franc dus dals favurits en la 3. liga regiunala, è stà in gieu fitg emoziunal. L’arbiter ha tratg gist 7 giadas la carta melna.
Ina terrada hai percunter dà per il CB Lumnezia en l’emprim gieu en terza liga. Ils Lumnezians ch'han fatg il pass da quarta en terza liga han pers a chasa encunter Netstal cun 1:2.
CB Laax sut las rodas
En la 4. liga ha il CB Laax stuì magunar ina dira terrada en l’emprim gieu da campiunadi. Laax ch’ha dominà la stagiun passada la 5. liga ed uschia fatg il pass en la 4. liga ha pers a chasa encunter il CB Trun/Rabius cun 1:7. Gia da pausa manava l’equipa da la Cadi cun 5:0.
Ils ulteriurs resultats da la 4. liga – gruppa 1:
SC Razén | – | US Schluein Glion 2 | 2:0 |
FC Panaduz | – | CB Surses 1 | 0:3 |
FC Domat 2 | – | US Danis-Tavanasa | 1:3 |
RR sportissimo 17:00